స్వామీ ..వాళ్ళు నాతొ అంటున్నారూ.. మీరేమో నన్ను భూలోకానికి
పంపేస్తారంట...కానీ అక్కడ ఇంత చిన్నవాడినైన
నేను నిస్సహాయంగా ఒక్కడినే ఎలా బతుకగలను?
“ భయం లేదు . అక్కడ
ఒక దేవత నీ సంరక్షణ విషయం చూసుకుంటుంది...”
అది కాదు దేవా...అక్కడ నేను ఏమిచేయాలో ? ఏ పనులు చేయాలో?
ఇక్కడ ఈ స్వర్గం లో మీ దగ్గర నాకు కేవలం నవ్వుతూ, పాడుతూ ఉండడమే పని కదా..అది
తప్పా నాకు ఇంకేమీ రాదు కదా !
“భయం లేదు...అక్కడ
నీ దేవతే నీ కోసం చిరు నవ్వులు చిందిస్తుంది...పాడుతుంది ...నీకు ఆ నవ్వులో, ఆ
పాటలలో మాధుర్యం, స్వచ్చతా అనుభవంలోకి వస్తాయి “
మరి అక్కడ మనుషులు నాతొ ఒకప్పుడు మాట్లాడితే నాకు ఎలా అర్ధం
అవుతుంది...అక్కడి భాష నాకు రాదు కదా ?
“ ఆ భయం వద్దు ..ఎందుకంటే
నీ దేవత నీకు చాలా మధురమైన మాటలను, చాలా ఓర్పుగా,ప్రేమతో నీతో మాటాడుతూ
నేర్పుతుంది..ఎలా మాట్లాడాలో కూడా నేర్పుతుంది”
అయితే మరి నేను నీతో మాట్లాడాలీ అన్నప్పుడు నేను ఏమి చేయాలి
?
“ ఆ భయం ఎందుకు
నాన్నా . ఎందుకంటే నీ దేవత నిన్ను తన చేతులలో, ఒళ్ళో తీసుకోనీ నీకు నన్ను ఎలాగా
ప్రార్దించాలో కూడా నేర్పుతుంది”
మరి నన్ను ఎవరు రక్షిస్తూ ఉంటారు?? నువ్వే కదా !
“ అదికాదమ్మా ..అవసరమైతే
..తన జీవితాన్ని కూడా పణంగా పెట్టీ నీ దేవతే నిన్ను రక్షించుకుంటుంది”
కానీ ఇక నువ్వు
కనిపించకపోతే నాకు చాలా బాధగా ఉంటుంది.
“ అయ్యో..నువ్వు నా
దగ్గరికి రావాలంటే ఆ దేవతే నీకు నా మాటలు చెప్తూ నన్ను చేరే మార్గాన్ని కూడా నీకు
చూపిస్తూ ఉంటుంది. ఒక మాట చెప్పనా. నేను నీకు కనబడక పోయినా నేనెప్పుడూ నీ చుట్టూనే
ఉంటా కదా “
అయ్యో భగవాన్ ...ఇక్కడికి అప్పుడే ఆ భూలోకపు మనుష్యుల మాటలు
వినబడుతున్నాయి. నాకు తొందరగా ఒక మాట చెప్పు ...ఇప్పుడే నేను వెళ్ళవలస వస్తే
దయచేసి ఆ దేవత పేరు చెప్పవూ ...
“ ఆ దేవత పేరు...”అమ్మ
“
(ఎవరో, ఎప్పుడో చెప్పిన కధ)
Comments
Post a Comment